由算法主導，用戶沒辦法自家控制內容個社交媒體，垃該無時無刻個收集阿拉個使用習慣，並以此構建起越來越堅固個 echo chamber。搿眼平臺丄向個主流模式往往是一個帖子下頭一片附和，因爲算法幾乎弗會得拿內容推送撥不認同個用戶，從而過濾了弗同個聲音。相對來講知乎、Reddit 搿能介有明顯個問答結構個平臺好更好個讓用戶接觸到多元個觀點，氛圍也相對不容易情緒化。搿種趨勢老危險個，越來越多個人幫小紅書搿類平臺當作日常個搜索引擎，能夠接收到個信息只會得越來越閉塞，繼續強化每個人個 echo chamber。
可能好抵禦搿個個只剩下來傳統搜索引擎搭仔維基百科搿類相對中立個平臺。但是這眼地方個內容質量也隨牢 AI 內容個增加開始質量推扳了，加上各個平臺儕勒搿慢慢叫變勒封閉起來了，內容弗可以公開檢索到，獲取信息越來越困難，尤其是非同質化個信息搭一手消息。
阿拉好容易看到個高質量信息越來越少勒。